雞翼尖按你需要求，這食譜則以1磅半作為基準。

首先，我哋將雞翼尖加鹽洗乾淨，除雞毛，洗乾淨後就要飛水，去走血腥味同啲污糟

滾水落，大約滾幾分鐘，見到啲污糟浮面，就可以，唔駛滾太耐，可以就撈出過冷河

我自己最怕啲雪水味，所以過冷河，我過左3次，你可以按你平時喜歡過冷河既次數。
(過冷河即使將清水洗一次再倒水既步驟)

過完冷河，就開鍋落紹興酒，我用酒蓋落3蓋，主要讓酒發揮。

酒滾起，兜一兜，再落蒜茸，如果喜歡辣既可以係呢個時加辣椒，一齊爆炒，爆香。
我自己亦加了麻油調香。
麻油少量，唔喜油既可以落少少，按自己喜愛就得，蒜茸至少要2大匙，辣椒都係按你需要

爆香完，就係時候落雞翼尖，兜一兜，直到見到表面熟

煮好就係時候加水，大約一個大面碗1碗，主要水岩岩好浸到所有雞翼尖就可以。

然後加雞粉3匙，糖4匙，係呢個時候可以加少許胡椒粉，調味辟腥味
如果已加辣可以選擇不加胡椒粉。

再紋25分鐘等佢入味。

炆完就可以起碟，呢個時候已經將雞翼尖既油都會炆左出黎。

BY: 廚小妹